హైదరాబాద్‌లో అఖిల భారత యాదవ మహాసభ ఆధ్వర్యంలో జరిగిన ఒక కార్యక్రమంలో ఆయన పాల్గొని మాట్లాడుతూ... దేశం అన్ని రంగాల్లో అభివృద్ధి చెందాలంటే ప్రతి ఒక్కరూ చదువుకోవాలని ఆయన పిలుపునిచ్చారు. మెట్రో, వైద్య ఆరోగ్య రంగాలలో ప్రగతి సాధించవలసి ఉందన్నారు.
తమ రాష్ట్రంలో శాంతి భద్రతలు మెరుగ్గా ఉన్నాయన్నారు. ఈ విషయంలో విపక్ష పార్టీలు చేస్తున్న విమర్శలను ఆయన కొట్టిపారేశారు. అదేసమయంలో ఇది రాజకీయాలు మాట్లాడేందుకు వేదిక కాదన్నారు.
హైదరాబాద్ లోని ఆత్మీయులను కలిసే అవకాశం రావడం సంతోషంగా ఉందన్నారు. అన్ని వర్గాలను కలుపుకుని పోవడం వల్లే యూపీలో విజయం సాధించినట్లు తెలిపారు. పార్టీల వారీగా వేరుగా ఉన్నా యాదవులు అనే సరికి అందరం ఏకమవుదామని తెలిపారు. యాదవులు అన్ని రంగాల్లో ముందున్నారని చెప్పారు.
