ఈ సమావేశం అనంతరం మంత్రి రఘువీరా మీడియాతో మాట్లాడుతూ ఇప్పుడిప్పుడే వరద ప్రవాహం తగ్గుముఖం పడుతోందన్నారు. వర్షాల వల్ల మృతి చెందిన కుటుంబాలకు లక్షన్నర ఎక్స్‌గ్రేషియా, ఆపద్భందు పథకం కింద రూ.50 వేలు చొప్పున మొత్తం 2 లక్షల రూపాయలను అందజేయనున్నట్టు తెలిపారు.
ఈ భారీ వర్షాలు, వరదల వల్ల ఇప్పటి వరకు 294 చెరువులు దెబ్బతిన్నాయన్నారు. వరద ముంపునకు గురైన 884 గ్రామాల్లో సహాయక చర్యలు కొనసాగుతున్నట్టు చెప్పారు. ఇప్పటి వరకు ప్రభుత్వం ఏర్పాటు చేసి 53 పునరావాస కేంద్రాల్లో 8,360 మంది వరద బాధితులు ఆశ్రయం పొందుతున్నారని చెప్పారు. వరదల వల్ల నష్టపోయిన రైతులకు సబ్సిడీ విత్తనాలు ఎరువులు అందజేస్తామని మంత్రి రఘువీరా వెల్లడించారు.
